Aurten bai! kanpaina
Herriko elkarteekin lortutako akordioaren sinaketarekin abiatu zen
Otsailaren 28an aurkeztu zen prentsaren aurrean Urdulizko Euskera Taldeak herriko kirol eta kultur elkarteekin adostutako dokumentua. Euskeraren aldeko adierazpena eta UETk abiarazi duen Aurten bai! kanpainaren aldeko atxikimendu ekitaldia izan zen.
Kanpainaren helburua Urdulizko Euskera Taldera lagun gehiago hurbiltzea da eta herrian hainbat ekintza euskeraz burutzea. Honako egitaraua izango du Aurten bai! kanpainak:
Otsailaren 28an: prentsaurrekoa. Udaletxean eguerdiko 12etan
Martxoaren 7an: Sagardo Jaia.
Martxoaren 29an: Aizkorri mendira urteera.
Martxoaren 21ean: ume eta gazteekin joko eta jolasak Agirre Lehendakaria plazan.
Apirilaren 3an: kirolari buruzko mahaingurua.
Apirilaren 4an: herri bazkaria Txiberri frontoian.
Urdulizko Euskera Taldea oso elkarte ezaguna da Uribe Kosta aldean, santamariñe aldizkaria publikatzen duelako. Halaber, elkarteak argitaratutako bi liburuak, ikastaroak, erakusketak, kanpainak eta bestelako adierazpen asko sortu ditu bere zortzi urteko ibilbidean.
Edozein konturako hemen duzue kontaktua: Iñaki Gilisasti (676 51 84), bestela elkartearen egoitzara ere dei dezakezue: 676 44 87 (Aita Gotzon kalea 6, 4810 URDULIZ). Posta elektronikoa ere erabil dezakezue.
Otsailaren
28ko aurkezpenaren ondorengo taldekide eta sinatzaile guztien argazkia.
Argazki hau inprimatzeko moduan ere har dezakezue hemendik. Koloretan, 300pppko erresoluzioa, 5Mb irekita. JPEG moduan gordeta dago (604 Kb).
Oharra: Aurten bai! kanpainaren leloak ez du izen bereko elkarte edo ekimenekin inolako zerikusirik.